Gweithio gyda phlant a phobl ifanc i hyrwyddo a gwireddu eu hawliau.

Ein Bwriad: Ein nod yw gweithio mewn ffordd agored a hygyrch, gyda phlant, pobl ifanc ac oedolion. Ein bwriad yw sicrhau newidiadau a fydd o fudd iddynt fel unigolion ac i gymdeithas gyfan, drwy bartneriaeth, cyfranogiad a dinasyddiaeth weithgar.

Mae’r gwaith yn cynnwys datblygu gwasanaethau arloesol i blant a phobl ifanc megis y rhai sydd mewn perygl o gael eu camdrin yn ôl y disgrifiad a geir yn Adroddiad Waterhouse - Ar Goll Mewn Gofal (1999) ac yn ddiweddarach yn Adroddiad Carlile - Peth Rhy Ddifrif (2002).

Beth yw Tros Gynnal?
Tros Gynnal yw’r brif Elusen Hawliau Plant yng Nghymru, sy’n cefnogi ac yn cynrychioli plant a phobl ifanc sydd mewn perygl drwy amrywiaeth o brosiectau, hyfforddiant ac ymgyrchoedd. Sefydlwyd Tros Gynnal i barhau â’r gwaith pwysig o gefnogi a diogelu plant a phobl ifanc sydd mewn perygl pan wnaeth Cymdeithas y Plant roi’r gorau i weithio yng Nghymru yn 2002.

Gwrando ar blant a phobl ifanc
Credwn y dylai plant a phobl ifanc fod yn ganolog i'n gwaith ac rydym wedi sefydlu Grŵp Ymgynghori Pobl Ifanc, sy'n llywio ac yn cynghori'r Ymddiriedolwyr a datblygiad y sefydliad.

I gael gwybod mwy am Tros Gynnal, ei waith a sut y gallwch helpu cliciwch ar y tabiau ar ben y dudalen i archwilio'r safle hwn.